Gahom sa kwarta
Dili garantiya ang kwarta alang sa lungtad nga kalipay diha sa kaminyoon. Bisan sa kaadunahan gipatay ni Bokal Niño Rey Boniel ang asawa Bien Unido Mayor Gisela sa dihang nagluib.
Miaslom ang relasyon sa magtiayong House Speaker Pantaleon Alvarez kay nakakita og lain ang kongresista.
Pulos nagbisyo hangtod nga nangayo og P620 million nga bahin ang asawa, Patricia, sa bana, Comelec Chairman Andres Bautista, nunot sa pagbutyag sa P1.2 billion nga tinagoang bahandi nga wala malakip sa P176 million sa SALN diin ang labing bugat nga akusasyon ang mga deposito sa Luzon Development Bank, Rizal Commercial Banking, RCBC, Hongkong ug Shanghai Banking; condo unit sa Bonifacio Global City sa Taguig ug San Francisco California; payroll sa ghost
employee sa chairman pa sa PCGG ug vouchers sa Smartmatic nga maoy kontraktor sa PCOS sa eleksyon.
Si Princess Diana Spencer sa Britanya nakauyab sa ilang gwardya kay si Prince Charles tua mahigugma ni Camilla Parker Bowles.
Dili maayon ang dagan ang kaminyuon nila ni Prince Henrik ug Queen Margrethe sa Denmark human moreklamo ang prinsepe nga tawgon lamang siyag konsorte, ug dili hari.
Sobrang gugma sa kwarta nahimong gahom nga mosangko sa dakong problema ug kontrobersiya. Bureau of Customs (BOC) giubos sa inbestigasyon gumikan sa P6.4 billion nga palusot sa drugas gikan sa China.
Customs broker Mark Taguba milambigit ni Davao City Mayor Paolo Duterte. BOC Director Milo Maestrecampo miluwat sa katungdanan.
Dakog tulobagon si BOC Chief Nicanor Faeldon. Naangin sila si Richard Tan nga koneksyon ni Calvin Tan nga drug manufacturer sa mega shabu laboratory sa Mandaue sa 2004 nga tua na sa Bilibid Prison.
Lakip sila si Kenneth Dong nga gilambigit sa illegal drug
trade uban nila ni Peter Lim, Vic Loot ug Franz Sabalones. Laing problema ni Faeldon uban ni Cebu Customs District Collector Elvira Cruz nga gilambigit sa smuggling sa lima ka milyon kilos nga basura gikan sa South Korea.
Pagkabug-at usab og tulobagon sa kongreso si Comelec Chairman Bautista gumikan sa awhag ni Rep. Harry Roque ug Sen. Tito Sotto sa bilyon nga tinagoang bahandi nga wala malakip sa SALN diin kandidato sa impeachment human makabuylo ang inbestigasyon sa NBI.
Ang VACC usab mosang-at og impeachment batok ni Bautista nga magsukad sa hacking sa comelec website niadtong Enero .