Nagdahunog ang tren
KEVIN A. LAGUNDA Campo Uno, Talisay City, Cebu Nagdahunog ang tren sa imong kalimutaw. Walay kalinaw sa imong hagawhaw. Ang katapusan mao ang sinugdanan Nga mopadulong sa laing katapusan. Ayaw hapuhapa akong nawong: Imong palad mao ang sawog Sa imong lasang diin nasaag Akong kamingaw nga gialimungawan Sa nagdahunog nga tren sa imong kalimutaw.