Kapakyasan sa Gilas usa ka leksyon: Narvasa
Alang kang PBA Commissioner Chito Narvasa, ang kapakyasan sa Gilas Pilipinas sa FIBA Asia Cup sa Beirut, Lebanon nagsilbeng usa ka leksyon alang kanila. Usa ka leksyon nga puwedeng magamit sa programa sa Gilas alang sa pangandoy niining makaduwa og balik sa Olympics basketball. Isip usa ka konsuwelo, matod ni Narvasa nga maayo na lang nga ang kapakyasan nahitabo sa usa ka torneyo nga dili qualifying event sa Olympics. Matod ni Narvasa nga ang maong kapakyasan makahatag sa Gilas og ideya kon unsa pa’y angayang buhaton aron mas makakombati pa kini og insakto sa ugma damlag.