Archdiocese mag-ampo alang sa drugas

Ilusad karong adlawa sa

artsidyosesis sa Sugbo ang pag-ampo batok sa addiction dungan sa pagsaulog sa unang anibersaryo sa Surrender to God Drug Recovery and Renewal Program. Si Fe Barino, executive director sa SuGod Program, ang nagsuwat sa ‘Pag-ampo sa Pagtugyan (Batok sa Addiction)' o ‘Prayer of Surrender' nga gigabayan ni Cebu Archbishop Jose Palma, nga iampo sa mga adik sa gidili nga druga.

Matod ni Barino niangkon ang mga drug surrenderee nga kadaghanan nila dili kamao mag-ampo hinungdan nagpatabang siya sa arsobispo.

“Basin pa lang pinaagi sa grasya sa Ginuo matabangan sila,” pahayag ni Barino, kinsa chairperson usab sa Commission of the Laity sa artsidyosesis.

Sa pag-ampo, gisangpit ang Ginuo sa pagbuntog sa kahimtang sa mga adik sa illegal drugas isip ilang paglaum ug dangpanan.

“Luwasa kami gikan sa pagkaulipon sa drugas ug sa tanang matang sa addiction,” kabahin sa ‘Pag-ampo sa Pagtugyan.' Sukad gisugdan ang recovery ug renewal program niadtong Agusto 14, 2016, 446 na ka drug surrenderees gikan sa 577 ka mga partisipante nga nisalmot sa siyam ka mga

batch ang nakahuman ug padayon nitambong sa mga

small prayer group sa unom ka drop-in centers sa Love of God Center sa Sugbo.

Gikan sa 10 ka adlaw, gihimo nga 6 ka adlaw ang pagpaubos sa drug surrenderees sa recovery ug renewal program sa Love of God Center sa Yati, lungsod sa Liloan. Gawas niini, duna usab kini programa nga gitawag og SuGod Living-in faith and Livelihood Program SLLP) diin ang mga na- recover nga drug surrenderees mopuyo ug manginabuhi sa halfway house sud sa unom ka buwan.

Sa kasamtangan, 10 ka mga indibidwal ang boluntaryo nipaubos sa programa ug nagpuyo sa halfway house.

Si Barino niangkon dili sayon ang pagdani sa mga kanhi nagumon sa gidili nga drugas nga moapil sa ilang programa.

Sukad gisugdan sa 2016, dulan P3 milyones na ang nagasto alang sa maong programa.

“Dili kabayran og sapi makakita ka sa usa ka tawo nga gi- reject sa society unya mag-usab,” dugang ni Barino. /