Daghan na ang naalarma sa drug raids sa kapulisan
Wala kapugong si Agot Isidro ug uban pang personalidad nga dili mo- react sa kadaghang nangamatay karon nunot sa anti-drug campaign sa administrasyong Duterte.
Sigon sa taho, 32 katawo ang namatay sa gipahigayong "one-time, big-time" drug raid sa Bulacan niadtong Miyerkyules. Samtang 25 usab ang nakabsan sa laing drug raids sa Metro Manila niadtong Biyernes.
Matod sa Pep.ph nga kontrobersyal usab ang pagkamatay sa usa ka 17-anyos, Kian Loyd delos Santos, nga giingong nisukol sa mga pulis human nakuhaan og duha ka putos sa shabu.
Apan base sa kuha sa CCTV wala mosukol ang biktima, kundi gitaptapan ang mga mata samtang gikuptan sa duha ka pulis nga nakasibilyan.
“32. 26. These are not just numbers. These are lives taken. Overnight. Ok pa ba kayo?” ang usa sa mga Tweet ni Agot.
Nag- post usab silang Atom Araullo, Karen Davila, Lyn Ching, Love Añover, ug Senador Francis Kiko Pangilinan nga naalarma na sa maong hitabo.
“Define terrorism: in Barcelona, 13 dead in an attack by alleged ISIS-inspired group. In the PH, 25 dead overnight in the hands of police,” Tweet ni Atom Araullo.
Ang post ni Karen Davila: “Yesterday, 32 dead in Bulacan in PNP anti drug war operations. Today, 25 dead in Manila. What is this? A killing spree?”
Gibirahan usab ni Kiko Pangilinan ang Customs. “Hindi solusyon sa problema ng droga ang kaliwa't kanan na patayan ng mga mahihirap habang tonetoneladang shabu ang pinapalusot sa BoC.”