Brake, brake

Sa biseklita, importante ang kaluwasan. Gikinahanglan nga likayan ang disgrasya kay dako ang gasto sa ospital. Maayo lang kon magaras ka ra. Apan kon mabalian ka og usa ka parte sa lawas, dako ang gasto. Ang pait kon kana nga parte maoy makaingon nga di ka na makasikad.

Usa sa importante sa biseklita mao ang brakes, labina sa mountain bike. Kon palpak ang imong brakes, dako ang kahigayunan nga ikaw madisgrasya. Kon maayo ang imong brake, apan sayop ang imong pagkagamit, mao gihapon ang resulta.

Dihay higayon nga nagdulhog ko sa Transcentral Highway. Niadtong higayuna, mechanical brakes pa ang akong

gigamit, di hydraulic. Niabot na og 60 kph. ang akong pagdulhog dihang ni- brake ko og hinay. Sa kalit lang, niikis-ikis ang akong dagan. Kon wa pa ko makalubag sa manubela, mabangga unta ko sa pangpang.

Unsa may akong sayop? Nibrake ko nga ang gamit nako mao ra ang likod, way labot ang atubangan. Kon giapil pa nako ang front brake, di kadto mahitabo. Apan possible sab tingali nga mabalitok ko kay kusog kaayo nikupot ang brakes. Kini hinuong ikaduha, di ko segurado.

HYDRAULIC

Human makahibawo ang akong mga higala, nitambag sila nako nga mag-ilis ko og hydraulic brakes. Tuod man, niadtong 2011, hydraulic braking system na ang akong giga- mit. Unya, kon mo-brake ko, giapil na nako ang atubangan, apan medyo di grabe ang kumot itandi sa likod. Mahug nga 70 porsyento sa likod, 30 porsyento nga pwersa sa atubangan.

Kon dunay mangutana nako kon unsaon paggamit ang brakes, akong tubagon nga ang likod ug atubangan aron di mo masimplang. Bisan gani sa motorsiklo, duha gihapon ang akong gigamit, atubangan ug likod, aron balanse ang pwersa sa pagpahunong.

Ayaw lang usab palab-ani og kumot kon kusog na ang dagan kay basin ma outbalance ka ra gihapon. Maorag mao ni ang nahitabo niadtong biker nga amoang naagian ug gitabangan kay nagisi ang agtang kay ulo ang giuna sa pagkanaug.

Ang advantage sa hydraulic brake kay di ni grabe ug kalit nga mokupot sa pag- brake nimo. Pinaanam ang iyang pwersa.

AYAW PALAB-ANI

Dihang ang akong manghod nigamit na sab og hydraulic brakes, siya nireklamo kay di dayon kuno mokupot og maayo. Apan dihang nagsige na siya og gamit sa sigeg saka sa kabukiran, diha na siya nakaappreciate.

Apan sa ako nang giingon, ayaw palabi og padagan sa pagdulhog kay nahitabo na ra ba sa akong suod nga higala nga bisan giunsa niyag brake, wa na makapiog ang brake sa momentum, ni- exhibition siya sa pagkanaug, iyang giuna ang iyang buko-buko.