PROGRAMA SA PATAFA GIKUWESTYON NI MON
Human sa impresibong kadaugan ni Mary Joy Tabal sa nagpadayon nga 2017 Southeast Asian Games sa Kuala Lumpur, Malaysia, gikuwestiyon karon ni Philippine Sports Commission (PSC) commissioner Ramon Fernandez ang programa sa Philippine Athletics Track and Field Association (PATAFA).
Kini human masuta nga mismong ang PATAFA- trained nga si Jeson Agravante sa
men’s division naapsan ni Mary Joy Tabal sa naghinapos nga bahin sa 42- kilometer run kagahapon.
Gikataho nga wa makapadayon si Agravante sa kompetisyon tungod kay nabikogan kini sa iyang tiil.
“This is not good for Patafa kay ang ilang gi- trained nga si Agravante naapsan pa gyud ni Tabal. Granting nga nacramps kuno mao nga wa katiwas sa race, so it boils down ngadto sa ilang training program. What kind of program they have. Runner ka unya macramp, so there’s something wrong with the preparation,” matod ni Fernandez sa dihang gikahinabi sa Sun.Star Superbalita pinaagi sa telepono.
Laing nakahatag og way ayo alang sa Philippine athletic team mao ang ilang gold-medal prospects nga si John Obiena ug si Patrick Unso ang nakaangkon usab og tagsa-tagsa ka injuries sa wala pa masugdi ang kompetisyon sa ilang mga event. Si Obienna sa Pole Vault
event, kinsa nag- trained sa Europe, nakaangkon og angol sa iyang wala nga tuhod samtang si Unso nakasinati usab og pagpanakit sa iyang bagtak. “We win some, we lose some; that’s the way of life,” matod ni PATAFA president Philip Ella Juico human sa kadaugan ni Mary Joy Tabal kinsa unang nakalangkat og gold sa Pilipinas sa women’s marathon. “We are all saddened by the bad news, but we have to live with it. It’s just that the kid (Obiena) really wanted to win and is so determined to bring honor to the country.”
Sa nasayran, si Tabal, kinsa sa sayo pa nakontrobersiya human gitangtang sa lineup sa Patafa, nagkina-ugalingon sa pagpahigayon og training didto gawas sa nasod dala ang iyang personal trainer ug ubos usab sa suporta ni Junnel Borromeo sa Motor Ace Kawasaki.