PULIS ‘NAUNAY’ SA ARMAS, NAMATAY
Kanhi imbestigador sa Homicide Section sa Cebu City Police Office nga si SPO2 Victor Ruel Ayuman napalgang patay sud sa iyang panimay sa sitio Sudlon barangay Lahug sa syudad sa Sugbo.
Pasado alas 3 kagahapon sa kaadlawon gialarma sa mga sakop sa Homicide Section ang ilang kanhi kauban human ni giingong aksidenteng naigo sa iyang armas.
Si Ayuman sakop sa operations branch sa Mandaue City Police Office, patay na nga nadangat sa usa ka pribadong tambalanan sa syudad sa Sugbo.
Matod ni Sr. Supt. Joel Doria nga pasado alas 3 kagahapon sa kaadlawon namukaw si Ayuman sa iyang asawa aron ipaandam ang iyang uniporme.
Naglimpyo kini sa iyang armas apan kalit lang milanog ang usa ka buto sa iyang kwarto.
“While nagplantsa yung asawa niya sa kabilang kwarto, nadinig na lang niya ang putok ng armas. Nang tiningnan na niya, nakita na lang ng asawa na nakabulagta na si SPO2 Ayuman na dugoan,” matod ni Doria.
Aksidente ang usa sa gitannga anggulo sanglit wa silay nakita nga rason nga magpakamatay ang pulis nga naila nga usa ka malipayon nga tawo.
Apan bisan pa niini, aron matino sa himuon nga imbestigasyon, nimando si Doria sa Homicide Section nga ipaubos sa autopsy ang lawas ni Ayuman ug kuhaan og paraffin test ang duha ka mga kamot aron mahibaw-an kon unsay hinungdan sa iyang kamatayon.