CT-TODA walay pulos sa ilang trabaho sa trapiko?
Nakadawat og grabeng pagsaway ang mga sakop sa City of Talisay Traffic Operations Development Authority (CT-TODA) nga walay nahimo sa kahuot sa dagan sa trapiko ug gihulagway nga mgapasaway.
Mismo ang Facebook page ni Mayor Eduardo Gullas wala makalingkawas sa mga tawo nga mipadangat sa ilang reklamo, ilabi na sa suliran sa trapiko sa siyudad.
Lakip sa ilang reklamo mao nga ang mga sakop sa CT-TODA magtan-aw lang sa kahuot sa trapiko ilabina sa Tabunok.
Samtang ang uban anaa ra sa kilid sa karsada nga walay gibuhat samtang nasinati ang kahuot samtang adunay mga lugar nga walay traffic enforcer nga nagbarug sa karsada. Karong bag-o nakadawat og
pagsaway ang CT-TODA tungod ka yang maong enforcers walay unipormi nga manakop nga dili gani mailhan nga traffic enforcers.
Si Almond Dela Pena pangulo sa CT-TODA miingon nga tinuod nga aduna gayoy dakop kansang
traffic enforcers wala magsul-ob og unipormi tungod kay mga bag-o kini nilang na- hire, apan iya kining gipahimangnoan nga magsul-ob lang og kolor green nga senina samtang wala pa ang ilang unipormi.
Samtang kadtong enforcers nga bogoy kaayong tan-on sa iyang gisul-ob iya na usba kining gibadlong .
Si Dela Pena niingon nga dili usab tinuod nga wala silay gihimo sa kahuot sa karsada ug ang iyang mga sakop wala sa ilang puwesto.