Gukod pa more

Una, giingon nga ang violation sa Rico’s Lechon mao lang ang wala paglukat og business permit sulod sa pipila ka katuigan nga nag- operate ang ilang restaurant sa Kasambagan ug ang ilang branch diha sa Axis Vivo Place sa Escario st., Cebu City. Mao nga gipasirad-an kini sa City Hall. Apan dili lang diay kini ang

violation sa Rico’s Lechon. Ang commissary o aslanan niini sa Highway 77 sa Talamban wala pod diay business permit mao nga gipasirad-an kini og apil. Wala gani mo-obserbar ang City Treasurer’s Office sa 10 days grace period nga gihatag sa management pagtubag sa show cause order. Morag gi-Martial Law gyud.

Karon gitinuod og gukod sa City Hall ang Rico’s Lechon gumikan kay gitribukar naman ang ilang mga papeles. Nasuta nga wala pod diay barangay

clearance ang ilang ihawan ug lechonanan. Wala gani environmental compliance certificate (ECC) gikan sa Department of Environment and Natural Resources (DENR). Unya dugay na diay matod pa nga nangreklamo ang mga silingan sa ilang ihawan gumikan kay diha gipanglabay ang ubang parte sa baboy nga ilang ihawon sa sapa duol sa ilang ihawan.

Mao nga niingon kining "kanhi laos nga pulitiko" nga bisan kon maka- comply pa si Rico Dionson, ang tag-iya, sa tanang mga rekisitos alang sa business permit application, dili niya aprobahan ang permit niini. Sa ato pa, hangtod nga siya pa ang maglingkod nga mayor, dili ug dili na gyud ma-abrihan o maka- operate ang Rico’s Lechon. Kining maong bahad nagpamatuod lang nga personalan na kining gihimo sa mayor ngadto sa Rico’s Lechon. Kini human putla sa mga Dionson ang ilang

partnership sa negosyo sa umagad sa mayor nga si Bea Villegas-Osmena. Miingon ang mga tig-depensa sa mayor nga mirisi sa Rico’s Lechon kay dugay na silang gipahimangnoan sa paglukat og business permit. Okey. Apan diin man sab si Bea niining nga tuiga? Nganong wala man pod siya maghikutar sa paglukat og permit? Kasosyo god siya sa negosyo. Dawat lang siya’g limpyo? (bobbygnalzaro@gmail.com)