Ayaw pagtanom og ebidensiya

Ginaingon nga kinsa kadtong magtanom og hangin maga-ani og alimpus. Those who sow the wind will reap the

whirlwind. Apan unsay maani niadtong mga pulis nga magtanom og ebidensiya?

Matod pa ni Director General Ronald “Bato” dela Rosa, hepe sa Philippine National Police, “Kon kamo mga pulis gahi gyod mog mga ulo, buhaton na ninyo ang mga illegal nga buhaton...segurado magkakaso gyod mo, magkaproblema gyod mo.”

Wa na diay pardon sa mga pulis nga magbinuang sa ilang katungdanan?

Gipahinumdoman ni Bato ang ang iyang mga sakop sa pagrespeto sa mga katungod sa gidudahang mga kriminal. Nipahimangno siya sa mga

sakop sa Police Regional Office (PRO) 7 sa di pagpadaghan sa nadakpan pinaagi sa pagtanom og ebedinsya sa mga durugista.

“Huwag ninyong gawin yan. That is very bad. God is

watching us,” sa iyang pagpamulong sa iyang pagduaw niadtong Miyerkoles sa PRO 7.

“Huwag ninyong kalimotan merong maniningil at maniningil sa atin sa bandang dulo. Mas maganda na yung kinasingkasing nga pagtrabaho ug pagserbisyo,” matod pa ni Bato.

Matod pa ni Bato, wa nay mangamatay sa mga drug

suspect, basta di lang mosukol sa mga pulis. Apan di siya makapaneguro niini.

“Di ko kahatag og assurance no kay dili man ko Ginuo. Dili ko Ginuo nga kabalo ko nga wala nay mamatay kon duna miy drug operation. Dili man ko ana ka powerful,” matod pa ni Bato.

Ang bantayan mao nga basta di lang mosukol o di planteran og ebidensiya sama sa drugas ug pusil unya ingnon nga nisukol. Moingon ra ba ang pulis sa dinakpan, “Kon wa kay shabu, duna mi.”

Apan di mahunong ang gubat batok sa illegal nga drugas, matod pa ni Bato. “We will not stop our operations, but let’s do it properly. Tarungon nato mga walay kinabuhi nga masayang.”

Matod pa ni Bato, nakaapekto sa imahe sa kapulisan ang kamatayon sa 17 anyos nga estudyante sa high school nga si Kian Delos Santos sa Caloocan City. Giparelibuhan na niya sa katungdanan ang tulo ka mga pulis sa Caloocan nga nakapatay kang Delos Santos atol sa ilang gihimong one time big time operation.

Ang pagparelibo sa katungdanan sa maong mga pulis maghatag og dalan sa gihimong imbestigasyon sa Camp Crame. Hasta ang Kongreso nag-imbestigar sa maong kamatayon.

Di ko kahatag og assurance no kay dili man ko Ginuo. Dili ko Ginuo nga kabalo ko nga wala nay mamatay kon duna miy

drug operation. Dili man ko ana ka powerful.