Floyd: Di magdugay ang away. Conor: Upat ra ka rounds oy!

Gipaniguro ni Floyd Mayweather Jr. nga ang iyang pagpakigsangka ni Conor McGregor karong Dominggo dili mahisama sa iyang away ni Manny Pacquiao nga puol tan-awon.

Ang duha nagtagbo kagahapon sa katapusang press conference sa ilang away didto sa Las Vegas.

Sa gihapon nagpabilin ang masakit nga sinukliay sa pulong tali sa duha kinsa pulos mipasalig og knockout nga kadaugan.

Si Mayweather, kinsa wala maka- knockout sa iyang kontra sukad pa niadtong 2009 mipasalig sa mga judges nga di kini maglisod sa paghukom ning maong panag-engkuwentro.

“I’m coming straight and I’m pretty sure he’s coming straight,”

pagbutyag ni Mayweather. “I’m going to win. It won’t go the distance. I guarantee it. I believe in myself so much. 100 percent chance that it won’t go the distance.

We’re going to come out there from the opening bell and drop bombs.”

Samtang sa iyang bahin, si McGregor nangankon usab nga iyang idispatsar si Mayweather sulod sa upat ka rounds. Nagtuo ang Irishman fighter nga ang iyang kusog maoy maghatag ni Mayweather sa iyang unang kapildihan.

Dugang niini, gipadayag ni Mayweather nga tugob sa aksiyon ang maong away ug dili kini mahisama sa iyang away ni Pacquiao.

Niadtong duha ka tuig ang milabay si Mayweather mipildi ni Pacquiao sa ilang unification

fight alang sa welterweight title nga mibuak og daghang record sa kasaysayan sa boxing.

Apan napuno kini sa pagsaway human nga wa kini makapakita og saktong kombati nga maoy gipaabot sa mga tawo human napiang ang tuo nga abaga ni Pacquiao.