Aces kaging sa Blackwater

Mga duwa karon: 4:15 pm. - Phoenix

vs. TNT Ka Tropa 7:00 pm. - SMB

vs. GlobalPort

Giinat sa Blackwater ang pagka miserabali sa Alaska Aces pinaagi sa double-overtime nga kadaugan sa PBA Governor’s Cup niadtong Miyerkules sa Mall of Asia.

Ang kadaugan maoy ikatulong sunodsunod nga naangkon sa Blackwater nga maoy ilang franchise-record samtang nagtukmod kini sa Alaska ngadto sa ikalimang kapildihan.

Ang import nga si Bill Walker maoy mipugnit sa responsabilidad sa overtime period aron ituboy ang Blackwater pinaagi sa pagpaulbo og 35 puntos, lima niini gikan sa three- point area, ug 32 ka rebounds, tulo ka steals, duha ka assists ug usa ka block sa 58 minutos nga kombati sulod sa korte.

Sa main game, sa gihapon gipakita sa Star Hotshots ang ilang dominasyon batok sa Phoenix Fuel Masters, 100-81.

Sa karon nga season, ang Phoenix wa pa gyud ka daog sa Hotshots sa upat nila ka panag-engkuwentro.

Sa kadaugan, ang Star mao na lang ang bugtong team nga wala pay pildi sa upat ka duwa.