153 KA TAWO SIKOP SA POKEMON SA CCPO

Moabot ngadto sa P3 million ang kinatibuk-ang nasakmit nga balor sa illegal nga drugas atol sa oplan pokemon sa Cebu City Police Office sa 153 ka mga tawo nga ilang nadakpan.

Sa mga nangasikop, 130 niini mga lalake, 20 mga babaye ug tulo mga menor de edad nga pulos lalake.

Ang 81 nasikop nunot sa kalapasan sa Republic Act 9165 kun may kalambigitan sa illegal nga drugas pinaagi sa buy bust operation ug inflagrante delicto.

Tulo usab ka high value target ang ilang nakuha nga silang Luzminda Ongcoy sa barangay Duljo Fatima sa syudad sa Sugbo ug Gina Lascuña Garali.

Lakip sa nasikop ang igsuon sa police official nga nadestino sa syudad sa Sugbo nga si Jobelon Suquib nga taga sitio Kabulihan, Barangay Guba bukirang barangay sa Syudad sa Sugbo apan kasamtangan nga nagpuyo sa sitio Agnawe sa maong lugar.

Usa ka medium size ug unom ka gagmay nga pakete sa gituohang shabu ang nakuha sa Talamban police station atol sa buy bust operation.