40 ka mga balay ang nasunog

Labing minos 40 ka mga balay ang nangasunog niadtong Huwebes sa gabii sa Villa Zacate, Brgy. Basak Pardo, dakbayan sa Sugbo.

Ang kabomberohan nitumbok nga ang sunog nagsugod sa balay sa usa ka Jun-jun Regudo human matumba ang usa ka dinagkutang kandila.

Sagad sa mga balay gama sa light materials.

Mokabat sa P350,000 ang gibana-banang danyos sa sunog.

Kapin sa 80 ka mga pamilya ang apektado sa sunog.

Nadawat sa mga bombero ang alarma mga alas 6:24 sa gabii ug mga alas 7:53 sa gabii giisa sa Task Force Alpha.

Nakontrolar ang kayo mga alas 8:20 na sa gabii.

Mga biktima kasamtangang namuyo sa gym sa dapit.

Daghan sa mga lumolupyo ang napakyas sa pagkuha sa tanan nilang mga butang tungod sa kapaspas pagkatap sa kayo tungod kay gawas nga gama sa light materials, kusog usab ang hangin.

Naglisod usab ang mga bombero sa pagsulod tungod sa kahagip-ot sa mga agianan.

/ ALAN TANGCAWAN ■ NASUNOG: Mao kini ang dapit sa Villa Zacate, Brgy. Bask Pardo, dakbayan sa Sugbo nga naigo sa sunog niadtong Huwebes sa gabii pipila ka mga oras sa wa pa magbunok usab ang uwan. Labing minos 40 ka balay ang nasunog nga naapekto sa labing minos 80 ka...