Unsa ka daghan ang uwan sa Huwebes sa gabii

Unsa kadaghan ang uwan nga nibundak sa Metro Cebu niadtong Huwebes sa gabii?

Matod sa Philippine Atmospheric Geophysical Astronomical Services Administration (Pagasa), base sa ilang natala sud sa 24 oras, niabot kini og 298,000 ka baril sa tubig matag usa ka kilometro metro kwadrado.

Mao kini ang hinungdan nganong gibahaan ang siyudad sa Sugbo ug pipila ka mga dapit sa dakbayan sa Mandaue.

“Bantayan na kon dunay thunderstorm kay posible ang pagbaha ug landslide,” pasab- ot ni Jhomar Eclarino sa Pagasa Mactan.

Samtang ang tropical storm Jolina base sa labing uwahi nga severe weather bulletin no. 6, diin atol niining pagsuwat, anaa nahimutang 160 kms southeast sa Casiguran, Aurora Province.

Gibana-bana nga kagabii mi-land fall ang maong bagyo sa nahisgutang dapit.

Ang bagyo mipakusog sa hanging habagat nga mosangko sa pag-uwan.

Gibana-banang mouwan karong adlawa hangtod ugma tungod sa bagyo ug habagat.