Way karsada nga naguba

ORMOC CITY - Gisugilon ni Department of Public Works and Highways (DPWH) 4th LED Engr. Lino Gonzales nga way national roads nga naguba atol sa magnitude 5.1 nga linog. Nagpasalamat si Gonzales kay mapadali ang paghatod ug pagpaabot sa tabang ngadto sa kabarangayan. Hinuon dunay pipila ka eskwelahan diin nakaangkon og gagmayng liki ang classrooms. Morekomendar ang DPWH ngadto sa Department of Education nga gahinan og pundo ang pag-ayo sa mga liki. Gipasigarbo ni Gonzales nga mga earthquake resilient ang mga bag-ong classroom nga ilang gitukod ug nakita ang kalidad niini human sa linog.