Bayot miduwa sa kinatawo, sikop

(Napatik sa Agusto 17, 2017)

Kalit lang nahimong alegre ang mingaw nga kasilyas sa dakong mall sa Quimpo Boulevard ning siyudad sa Davao dihang nakita nga dunay nagpablow job. Ang senaryo gikaalarma sa usa sa mga empleyado sa mall mao nga nagpatabang siya sa mga security guards nga daling nangayo og police assistance sa San Pedro Police Station. Sa pagresponde sa kapulisan, gisikop sila Cedric (di tinuod nga pangalan), 29, call center agent, nagpuyo sa Barangay Mintal ning siyudad ug James (di tinuod nga pangalan), 25, lumad nga taga Zamboanga ug kasamtangan nga nagpuyo sa SIR Phase II, Barangay 76-A Bucana ning siyudad. Silang duha gipapriso sa tagdumala sa mall tungod sa iskandalo nga ilang gihimo sud sa kasilyas diin giingon nga gi- blow job ni Cedric si James. Gidudahan nga nagduwa si James kang Cedric tungod kay nangaplay kini og trabaho sa call center nga gitrabahoan sa nauwahi. “Tinuod nga naa mi sa usa ka cubicle, pero wala gyud mi naghimo og law-ay nga sexual act didto,” sulti ni Cedric nga nahinabi sa Superbalita sud sa selda sa presinto dos kagahapon. Si Cedric miangkon nga nagkita sila ni James sa dan A. Pichon ning siyudad diin sila nagkasabot nga manuroy sa mall.