Webmasters manikaysikay

Mga duwa karon 1:00 pm- UC batok DBTC ( jrs) 2:30 pm- USJR batok SHS ( jrs) 4:00 pm- USC batok USPF ( jrs) 5:30 pm- USPF batok UC (srs)

Mobangon og suway gikan sa duha ka sunodsunod nga kapildihan ang UC Webmasters sa ilang pagpakigbatok sa USPF Panthers sa main game sa CESAFI college division sa Cebu Coliseum.

Human nabunyagan og 5949 ang Webmasters ni coach Raul “Yayoy” Alcoseba batok sa Southwestern University (SWU) Cobras, nasugamak sila sa kulbahinam nga mga kapildihan batok sa finalists sa miaging tuig.

Ang Webmasters gipukan sa defending champion UV Green Lancers, 61-72, niadtong Aguto 13 unya nasundan kini og overtime nga kapildihan batok sa USC Warriors, 62-67, niadtong Agusto 20.

Sa ilang bahin ang Panthers, mobangon sab og suway gikan sa tulo ka sunodsunod nga kapildihan ning sangkaa.

Human sila nabunyagan og 82-72 nga kadaugan batok sa CITU Wildcats, 82-72, ang Panthers nakatilaw og kapakyasan batok sa Warriors, 5783, Green Lancers, 79-92, ug University of San Jose Recoletos (USJR) Jaguars, 79-84.

Sa high school division, magsangka ang UC Baby Webmasters ug DBTC Greywolves sa premirong duwa.

Mosunod ang panagkombati tali sa USJR Baby Jaguars ug defending champion SHSAdC Magis Eagles ug USC Baby Warriors batok USPF Baby Panthers.

Sa laing bahin, nakaposte og dobleng kadaugan ang UV batok sa USJ-R niadtong Huwebes.

Ang UV Baby Green Lancers ningpukan sa USJR Baby Jaguars, 64-59, sa high school division samtang gipangbuntog sa UV Green Lancers ang USJR Jaguars, 84-76, sa college division.