3 ka mga gikatahapan nga pushers nasikop

Tulo ka giingong mga drug pusher nga giila nga mga

high-value target ang nasikop sa managlahi nga mga operasyon sa kapulisan kagahapon sa Sugbo ug Bohol.

Sa dakbayan sa Sugbo, nasikop sa San Nicolas Police Station sila si Ronald Alao, 47 ug Alvin Villegas, 48, sa Sitio Upper San Roque, Barangay Calamba.

Nasakmit gikan sa duha ang tulo ka mga medium size nga pakete sa shabu nga aduna’y gibug-aton nga 21.7 gramos ug nagkantidad og P149,860.

Samtang sa Bohol, dihang nasikop si Edden Silawan, alyas Ayeng, 22, kinsa giila nga HVT sa maong lalawigan.

Napusasan siya kagahapon pasado alas 11 sa buntag sa Lower F. Salazar St., Taloto District, dakbayan sa Tagbiliran.

Nakuhaan kini og shabu nga nagkantidad og P200,600. /