Espenido andam sa Cebu
Andam si Chief Insp. Jovie Espenido, kinsa nangulo sa operasyon batok sa Parojinogs sa Ozamiz City, Misamis Occidental, nga ma- assign sa Central Visayas.
“Akong iampo na. Bisan napulo ka pirma o usa ka gatos nga pirma. Number
one, Cebu man ko produkto maong dali na nato masulbad samot kay naay Ginuo nga motabang nako ug kay kaila naman ta kon kinsa,” matod niini atol sa pakighinabi niya sa tigbalita human sa iyang
speech sa usa ka programa sa Seventh-day Adventist sa Miller Hospital.
Dugang ni Espenido nga dawaton niya bisan asa siya madestino tungod kay anaa ang Ginuo nga maggiya kaniya kanunay.
“Kon tugutan lang, ako nang gihangop nga ma- assign (sa Cebu), bisan asa basta naay challenge ba.”
Dugang sa hepe sa dakbayan sa Ozamiz nga pro-life siya ug batok siya sa dili makiangayon nga mga pamaagi sa kampanya batok ilegal nga drugas.
“Dapat gud i- stop, dili gud pud. Ako pro-life ta, pro-life. Kung kinakailangan, himuon nato basta dili unneccesary ba. Kon unnecessary, di na mahimo,” matod niini.
Sa iyang sermon, si Espenido nitug-an nga nihangyo si Philippine National Police (PNP) Chief Ronald “Bato” Dela Rosa nga angkunon ang alegasyon nga nidawat siya og P20,000 gikan sa suspected
drug lord nga si Kerwin Espinosa sa Albuera, Leyte.
Apan gipanghimakak kini niya ug matod pa niya nga “I am a Seventh-day Adventist and I could not sully that. It’s not true.”
Nagdumili pa pagtubag si Espenido sa dugang pangutana sa tigbalita tungod kay Sabado kagahapon ug adlaw kini alang sa Ginuo.