PAGDEKLARAR OG ‘DRUG-FREE’

Gitataw sa usa ka opisyal sa Cebu Provincial Police Office (CPPO) nga di lang bastabasta makadeklarar ang usa ka hepe o local

government unit (LGU) nga drug-free ang usa ka dapit. Matod ni Supt. Ryan Marando atol sa ikatulong meeting sa Provincial Peace

and Order Council nga kinahanglan mopasar una sa

standard sa PNP, CPADAO ug PDEA ang usa ka dapit usa kini hingpit madeklarar nga “drug-cleared.” “Sa province of Cebu, dumadaan po talaga ito sa process, hindi pwedeng kung gusto lang i- declare sa chief

of police o sa LGU ang kanilang lugar na drug-fee, eh, ma- dedeclare na yun,” matod ni Marando atubangan sa mga opisyal nga nitambong sa maong panagtigum sayo ning semanaha.

Paambit niya nga gawas sa 160 ka mga barangay sa Rehiyon 7 nga gideklarar nga drugfree, adunay laing 86 ka mga barangay ang anaa sa pagproseso sa ilang deklarasyon.

Gideklarar na nga drugcleared

municipality/city sa rehiyon ang dakbayan sa Bogo nga may 29 ka barangay, lungsod sa Tudela nga may 11 ka barangay ug lungsod sa Poro nga may 17.

Sumala pa ni Marando nga 886 o 83% sa mga barangay sa rehiyon ang apektado sa drugas maong padayon ang ilang pakigkombati niini.

Saysay niini nga human madeklarar nga drug-free ang usa ka lugar, kanunay kini nilang monitoron ug di pasagdan aron di na makasud og balik ang mga ilegal nga drugas.

Sukad usab nga gihingusgan sa kapulisan sa rehiyon ang kampanya batok iligal nga drugas, wa na usay na-monitor nga plantation sa marijuana ang kapulisan sa pagkakaron. /