Robot mohimo'g seremonyas sa lubong

Gipaila sa usa ka kompaniya sa Japan ang bag-ong papel sa humanoid robot nga si Pepper, ang pagpahigayon og seremonyas sa lubong sama sa buhaton sa usa ka pari nga Buddhist. Ang robot gi- display sa funeral industry fair sa Life Ending Industry Expo sa Tokyo. Sa display, ang robot nikanta og sutras kun Buddhist scripture samtang naghapak sa drum. Ang Nissei Eco Co., plastic molding maker, ang naghimo sa chanting software alang kang Pepper nga gipailaila sa SoftBank Group Corp. niadtong 2014.

Kadaghanan sa mga pari nga Buddhist minos ang madawat nga hinabang gikan sa ilang komunidad, hinungdan nga nangita ang pipila nila og

part-time nga trabaho gawas sa ilang katungdanan sa templo, matod ni Michio Inamura, executive adviser sa Nissei. Sa taho sa Huffington Post, sa matag funeral rite nga dumalaon sa robot, di mominos 50,000 yen o 540 $dolyares ang bayad. Samtang 240,000 yen sa tinuod nga pari. /

■ humaNOid rOBOt: Si 'Pepper', ang giila nga 'robot priest' ug giprograma sa SoftBank Group nga usa ka kompaniya sa Japan, ang makapahigayon og seremonyas sa lubong. Ang robot gisul-oban og sama sa biste sa usa ka pari nga Buddhist.