Mga baktin nga naluwas sa sunog gipakaon sa mga bombero
Mapasalamaton ang usa ka mag-uuma sa England sa kabomberohan sa ilang lugar nga naluwas ang iyang binuhi nga mga baktin sa dihang nasunog ang ilang umahan niadtong Pebrero.
Apan human sa unom ka buwan, ang mga baktin nga giluwas sa mga sakop sa Pewsey Fire Station, mao ra usab ang gidalit ni Rachel Rivers.
Siya nipasabot nga agi og pasalamat, iyang gihimoan og
sausages ang mga bombero ug ang sangkap nga iyang gigamit ang mismong mga baktin nga ilang naluwas dihang nasunog ang ilang farm sa Milton Lilbourne sa Wiltshire.
Siya niangkon nga dili makauyon ang mga vegetarian sa iyang gibuhat. Apan kini ang ilang negosyo sa mga baboy. “You can’t keep them as pets,” dugang ni Rivers. /