Winset Jacot dunay bag-ong single
“Kung magkita pa ta'g usab / Kung sama nako mingawon sa atong gugma / Maghulat ko ma plastar ang tanan / Maghulat ko magakos ka'g utro."
Mao kini ang lyrics sa pinakabag-ong Binisaya nga kanta ni Winset Jacot, ang “Kung Pwede Na, Kung Pwede Pa” isip follow-up single sa iyang 2016 viral hit nga “Gugma Pa More” nga parehong gireleased sa Viva Records.
Lumad nga taga-Cagayan de Oro si Winset Jacot ug nailado siya tungod kay kalit nisikat ang iyang pinaka-unang single, ang Gugma Pa More, sa dihang gipatukar kini sa mga dagkong radio stations inubanan sa suporta sa kanhi nga Ato Ni Vines.
Nisalmot siya sa Vispop karung tuiga ug nalakip sa final six ang iyang kanta nga giulohan og “Siya Ra Tawn Ang Nahigugma.”
Ang emosyonal nga melodiya ug subo nga lyrics sa “Kung Pwede Na, Kung Pwede” haom sa singing style ni Winset Jacot. Makita ang lyrics ug music videos sa YouTube.
Samtang niabot na og 1.3 million views sa YouTube ang Gugma Pa More ug nagpadayon kining mabati sa mga inilang radio station sa mga dagkong syudad sa Visayas ug Mindanao.
Ma-download ang mga kanta ni Winset Jacot sa iTunes ug Spotify.