Star Magic artists makigtigi sa Amerika

Excited karon silang Bailey May, Ylona Garcia, AC Bonifacio, ug GirlTrends' Jane de Leon sa ilang partisipasyon sa usa ka global pop group competition.

Kini human sila napili nga maoy moapil sa “Now United” ni Simon Fuller nga mao say producer sa American Idol.

Ang upat ka mga Star Magic talent nilarga na padung Amerika gahapon, Sabado aron mopaubos og dance ug vocal workshops sa dili pa sila moasdang aron makakuha og luna sa Now United.

Sa interview sa Push, matod ni May: "I'm pumped. I'm getting my mental state prepared for this awesome opportunity. I am looking forward to show people what I have and show my talent."

Sigon sa official website, ang Now United ang "first ever global pop group composed of 11 exceptional artists from 11 different countries."

Si Fuller ang nagmugna niadto sa "American Idol" ug nagduma sa career sa Spice Girls. /