Kris Aquino, co-host ni Willie sa Wowowin?
Mao ni ang pangutana karon sa mga Netizen human gi-post ni Kris Aquino ang meeting nila ni Willie Revillame kauban ang mga staff sa Wowowin.
Iya pang gihulagway si Willie nga iyang "future BOSS." Matod ni Kris, "I had a productive 5 hour meeting w/ my future BOSS and his core staff. Exciting times ahead. Good night."
Ang talent manager nga si Arnold Vegafria, kinsa maoy business manager ni Kris, present usab sa meeting.
Ang tinubdan sa Pep.ph nagkanayon nga ang meeting nahitabo niadtong Huwebes sa gabii sa EDSA Shangri-La Hotel sa Mandaluyong City.
Apan wala matino kon tinuod ba gyud nga mag-co-host si Kris kang Willie sa variety game show nga Wowowin.
Niadtong Agusto 16, ang 46-anyos nga TV host-aktres nag-post og quote bahin sa iyang pagbalik-telebisyon. /