JOVIE GANAHAN SAB SA LUZON

Gawas sa Central Visayas, gusto usab ni Ozamiz City Police Chief Jovie Espenido nga madestino sa Luzon, kini aron masuwayan usab niya ang mga Tagalog. Mao kini ang gibutyag ni Espenido

kinsa naila na karon human sa operasyon nila sa dakbayan sa Ozamiz batok sa mga Parojinog.

Hinuon di pa makasulti si Espenido kon pila ka buwan niya trabahuon ang Sugbo kon ugaling ma-assign siya alang sa kampanya batok ilegal nga drugas.

“Dali raman sulbaron ang drugs, na-assign ko og Albuera, usa ka buwan ra. Na-assign ko og Ozamiz ako lang gani na gitagaan og lugar, niya niabot gyud og unom ka buwan,” matod niya. “Ang Ginuo ra’y nahibalo, as soon as possible,” midugang siya.

Dugang niini nga kon mabalhin siya sa Central Visayas di siya kapili asa siya ibutang apan gusto usab niya masuwayan sa Luzon.

Ang pro-life advocate nga si Dr. Rene Bullecer kinsa konektado sa Human Life Advocate, sa iyang bahin, naghinangupon sa gusto ni Espenido nga madestino sa Sugbo. “For me, that’s a very welcoming

news kung madayon because I personally prefer nga Bisaya ang modumala sa atong kapulisan, but with the best hope that he will do his job well without compromising the dignity and life of every human

person,” matod ni Bullecr. Dugang ni Bullecer nga nagdahom siya nga buhaton ni Espenido ang iyang mahimo batok sa kampanya sa ilegal nga drugas apan magpabilin ang pagkap-propesyonal niini.

Sa nanggawas nga taho, nibutyag si Espenido nga pro-life kini sukwahi sa nahitabo sa mga Parojinog sa Ozamiz.