TIPS ARON MAHIMONG BAYANI KADA ADLAW
Holiday karong adlawa tungod kay National Heroes Day. Sagad sa nahibaw-an sa kadaghanan nga bayani, kining nakigbatok alang sa nasod, diin mao kini ang sagad usab nga gitudlo sa mga tunghaan.
Apan lahi sa naandan, bisan kinsa na karon ang pwedeng mamahimong nga bayani, susama sa mga Overseas Filipino Workers (OFW) nga mao’y gitawag nga makabag-ong bayani.
Ania’y pipila ka pamaagi nga ikaw mismo, mamahimong bayani sa inadlaw-adlaw nimo nga kinabuhi.
Undangi ang panigarilyo.
Dili lang kini makaayo sa imong kalawasan apan makainspire usab kini sa uban nga moundang na usab sa pagpanigarilyo. Gawas niini nakatabang usab ka nga maminusan ang
secondhand smoke o kining dili manigarilyo apan makasimhot sa aso sa sigarilyo. Hinumdumi, dilikado kini.
Tanyagi ang gadali o stress nga mauna nimo sa grocery line.
Dili man siguro lisod nga motanyag panagsa sa nagdali o sa senior citizen nga mauna kini sa linya hilabi na og wa diay ka nagdali?
Ayaw panunob sa uban.
Kon aduna’y nisaka tungod sa pagpaningkamot, pagmalipayon kanila. Mas bayani ka kon pasagdan usab nimo ang ubang tawo nga mahimong bayani sa ilang kinabuhi.
Paghimo og butang ug ayaw paghuwat og balos.
Susama niining pagsibog sa jeep kon aduna’y lain nga mosakay. O kining pagpamugong sa imong taas nga buhok aron dili kini makaigo sa imong tupad. Simple apan mahinungdanon.
Kon mamahimo, donar og dugo.
Lahi ning kasinatian kon makatabang ka sa tawo hilabi na sa iyang kinabuhi. Bisan paman og dili kini nimo paryente apan kon mamahimo diay ka nga modonar og dugo,
buhata.
Ayaw panapat hilabi na sa mga bata.
Normal kini nga magaway ang mga bata, ang dili normal kanang nihilak imong anak kay nag-away sa iyang kaduwa ug imong dapatan ang iyang kaduwa o kaha imong anak. Mas maayo estoryaan ang bata lakip na iyang kaduwa.
Himoang comedy ang imong mga reklamo.
Di man gyud malikayan nga makasugat kita og panghitabo diin moresulta kini sa reklamo. Mas maayo nga kataw-an nalang kini o ayaw personala aron dili kaayo ka ma- stress.
Pagkontento og unsa’y naa nimo.
Relate ni sa tip # 3. Kon ganahan ka sa usa ka butang, paninguhai kini ug ayaw pagbuhat ug ayaw panaot sa uban.
Kon anaa’y tawo nga nagbangotan, ayaw sulti og “Kon naa kay gikinahanglan...”
Mas makadugang kini og kabugat sa dughan sa tawo. Imbes ingna kini nga “Unsa’y labing matabang..” /