Kinsay mapakahunong sa illegal drugs dinhi sa Sugbo?

Ang Sugbo gihinganlan ni Presidente Rody Duterte nga nag-una sa illegal nga drugas sa tibuok nasud. Kini tungod kay gihimo ang Sugbo nga usa ka transhipment point sa illegal nga drugas.

Ang Sugbo man gud nahimutang sa kinataliwad-an sa Kabisay-an ug dinhi nagbasi ang mga dagkong mga shipping companies. Anhi dunggo ang mga ilegal nga drugas nga ihatod sa ubang lalawigan.

Pero didto sa kaulohan agi ang P6.4 bilyunes nga balor sa shabu. Didto pa agi sa express

lane sa Bureau of Customs.

Minilyon ka pesos nga balor sa shabu ang nasakmit sa mga tinugyanan sa balaod dinhi sa Sugbo. Naglakip kini sa Philippine National Police ug sa Philippine Drug Enforcement Agency, ang anhensiya nga gibugyanan sa pagpahunong sa suliran sa illegal nga drugas.

Pero wa gihapon mahunong ang suliran sa illegal nga drugas dinhi sa Sugbo bisan pa sa pagkasakmit sa minilyon ka pesos nga balor sa illegal nga drugas.

Kinsa kaha ang makapahunong sa illegal nga drugas sa Sugbo? Kinsa kaha ang makasumpo sa illegal nga drugas?

Ingon pas taga Cabadiangan, mao kana ang pangutana nga nagtangag og dakong question. Pero dunay nitubag niini, usa ka opisyal sa kapulisan nga niingon nga makasulbad siya sa suliran sa illegan nga drugas sa Sugbo.

Siya mao si Chief Insp. Juvie Espenido, ang kontrobersiyal nga hepe sa kapulisan sa syudad sa Ozamiz. Wa siyay labot sa pagpatay sa mayor sa Albuera, Leyte pero siya maoy hepe sa Albuera sa dihang napatay si Mayor Rolando Espinosa Sr., amahan ni Kerwin Espinosa, giingong labing dakong drug lord sa Eastern Visayas sa Baybay City Provincial Jail. Siya ang hepe sa kapulisan sa Ozamiz sa dihang napatay si Ozamiz City Mayor Reynaldo Parojinog Sr., asawa ug laing 14 ka mga tawo.

Matod pa ni espinido suhito siya sa Sugbo kay dinhi siya gikan. Produkto siya sa Sugbo

“Number 1, Cebu man ko nga product so dali ra nato masulbad. Samot nga naay Ginoo nga motabang kanato ug nakaila na ta og kinsa na sila. Si kuan, si kuan.. so nakaila nata," matod i Espenido.