Di tanang taxi driver badlungon

Sa miaging semana nag- viral sa social media kadtong taxi driver nga nipakanaug sa iyang 88 anyos nga pasahero taliwala sa pagbunok sa ulan. Grabing nakapanghimaraut sa mga naka kita sa video. Aksiyon dayon ang gobyerno ug gisilotan ug dakong multa ang

driver ug ang operator. Kining ingon niini nga pagpabadlong sa ubang taxi

driver kaniadto pa ni. Wa pa matawo ang social media. Wa pay internet diha na ni. Wa pay cellphone nga mo- video o mokuha ug hulagway sa mga pagpabadlong sa karsada naghitak na ang mga reklamo batok sa abusadong taxi driver.

Apan daghan na sab ang nasilotan ug di na gani maihap ang natangtangan sa lisensiya bisan kung di pa uso ang social media niadtong panahona. Kung may nagpabadlong pila ra ni sila ka buok. Motuo ko nga mas daghan ang mga buotan kay sa mga badlungon. Naay daghang taxi driver ang akong nailhan nga unyag ka kita sa pasahero nga nagwara wara sa kamot kay gustong mosakay mosagop dayon ning importanting gimbuhaton.

1. Iyang pagngon ang iyang gipaminaw nga AM o FM radio kay gusto niya nga ang pasahero maoy magbuot unsay iyang paminawon.

2. I- adjust niya ang gibugbawon sa aircon kay gusto niya nga makabatyag dayon og kabugnaw unyag lingkod sa pasahero.

3. Adto niya pasakyon ang pasahero sa mas luwas nga bahin sa daplin sa karsada ug ang mga traffic sign nagtugut kaniya sa paghunong.

3. Kung ang pasahero dunay dala nga bug-at nga butang manaug ug mangayo ug katahuran dayon tabangan pagkarga inay maghinan-aw lang sa nagkalisod niyang pasahero.

4. Kung senior citizen, naginusara ug maglisod sa pagtikang manaug siya ug alalayan pagpasakay nga makatarung og sud ug di mapakong. Kung PWD o mabdos mao gihapon ang iyang buhaton.

5. Kung makalingkod na i- lock ug siguro ang pultahan, dala ang pahiyom magpaila sa iyang pangalan una mangutana kung asa magpahatod ang pasahero. Pananglit moingon ang pasahero nga para Talisay, sultian niya kung asa ang maayong agian nga di kaayo trapik. Importante nga magkasinabot ang driver ug pasahero sa mga karsada nga agian paglikay sa reklamo nga gilangay.

6. Kung nakadagan na ang taxi iyang pangutan-on ang pasahero kung AM o FM ang gusto niyang paminawon. Ang gikusgon sa volume apil sab nga ipangutana. Di kay ang driver ang magbuot sa iyang gustong paminawon music ba o drama.

7. May higayon nga makig-estorya ang pasahero labi na kung may gusto siyang pakisayran. Iyang tubagon uban sa tumang pag-amping nga ang mga nindot nga pulong ra gyud ang litokon. Kung mangutana sang pasagero ug mga dapit nga nindot suroyan tug-anan kutob sa iyang nahibaw-an. Di mag- patoo nga puwerte gyud niyang suhetuha.

8. Mentras tanto nga layo pa sa distinasyon sulti-an niya daan ang pasahero kung gikinahanglan ba nga magpasensiyo mo daan basin tibuok iyang kuwarta. Di kay ang pasahero pa ang imong basolon nganong wa mosulti nga tibuok diay iyang kuwarta.

9. Samtang nagdagan mo sa karsada hunahunaa kanunay nga abg pasahero naniid sa imong dinad-an sa sakyanan. Nagtan-aw kung wa ba kay gilapas nga balaod sa trapiko. Makamao ka ba mohatag ug higayon sa nag u- turn o nicross nga sakyanan. Nihatag ka ba ug agianan sa ambulansiya. Nipalabang ka ba og mga tawo sa pedestrian lane.

Ipadayon ang pag-video sa hiwing binuhatan sa dan.