522 MITAHAN SA RONDA
LAKIP SA 3 KA BARANGAY OFFICIALS NALAMBIGIT SA GIDILING DRUGAS
Tulo ka mga opisyal sa barangay ang lakip sa 522 ka drug surrenderees sa lungsod sa Ronda nga gipaubos sa community base treatment program nga gipasiugdahan sa Kapulisan ug kagamhanan sa lungsod.
Atol sa kalihukan kagahapon sa buntag, nangulo sila si Supt. Joie Yape Jr., hepe sa Provincial Intelligence Branch (PIB) sa Cebu Provincial Police Office (CPPO) ug Mayor Mariano Blanco lll sa Ronda.
Ang drug surrenderees nanumpa ug gitambongan sa mga opisyal sa barangay ug ubang ahensiya sa gobiyerno. Si Yape, OIC sa Ronda police
station, nipadayag sa iyang kalipay ilabi sa suporta nila ni Mayor Blanco ug Bise Mayor Jonah John Ungab ug sa mga lokal nga opisyal ug mga pisyal sa barangay.
Si Yape nipadayag nga paningkamutan niya nga mahimong drug-free ang Ronda subay ning ilang hiniusang lakang pagtabang sa drug surrenderees nga mabalik sa komunidad ug sa ilang pamilya.
Ang surrenderees, lakip sa tulo ka opisyal sa barangay diin usa niini babaye, ang makaavail usab sa programa nga abagan sa Technical Education and Skills Development Authority TESDA).
Si Mayor Blanco, nahinabi sa Superbalita, nagkanayon nga unom ka bulan nga ipaubos sa training sa TESDA ang
drug surrenderees diin ibasi sa ilang skills asa sila haom.
Dugang sa mayor, nagtinabangay sila sa mga nagkadaiyang department sa Ronda ug kapulisan sanglit naghandom siya nga ma- clear sa gidiling drugas ang ilang lungsod.
Sa pagkakaron, dunay tulo ka batangay ang na-clear sa drugas sa ilang 14 ka barangay sa lungsod.
Si Yape nidugang isip kabahin sa ilang kampanya batok krimen dunay 60 na ka armas nga gitahan sa iyang 1 ka simana nga paglingkod isip officer-incharge sa Ronda police. /