JESUS NAKITA SA ULTRASOUND
Usa ka sonogram nga hulagway maoy tubag sa mga pag-ampo sa magtiayon.
Ang magtiayon nga gikan sa Chambersburg, Pennsylvania, di makatuo sa ilang nakita sa ultrasound nga hulagway nga gikuha pipila ka gutlo una gipanganak ang ilang anak babaye nga si Briella.
Sa walang bahin sa hulagway mao ang imahe nga nagtan-aw ngadto sa nawong sa batang babaye.
Ang inahan ni Briella nga si Alicia Zeek dali nga nakaila sa anaa sa hulagway.
“When they gave it to us... Umm, to me, it’s Jesus. And it looks like Jesus,” matod ni Zeek sa WPMT nga gikutlo sa taho sa Huffington Post.
Ang amahan sa bata nga si Zac Smith natingala usab niini.
“This is distinct. I mean, there’s another face looking at my daughter!” padayag ni Smith.
Ang magtiayon nangangkon nga di sila mga relihiyuso apan ang imahe naghatag nila og kahupay ilabi na nga ilang laing duha ka mga bata dihang nangatawo adunay mga depekto.
Ang ilang babaye nga anak natawo nga dunay duha ka kumagko sa duha ka tudlo samtang ang lalake nguho.
Nipadayag sila nga mao kini ang maayong rason nga lig-unon ang ilang pagtuo. Ang taho nga si Briella natawo nga malipayon ug baskog.
Ang lahi nga ultrasound ni Briella maoy bugtong gihulagway nga “ultra-interesting sonograms” nga nahimo.
Niadtong Pebrero, ang magtiayon nga gikan sa Utah nahibung dihang ilang nakita ang ilang bata nga naghimo sa nailang “devil horn” nga nakit-an sa metal concerts. /