Follow your heart

Dear Papa Joe,

Tagoa lang ko sa ngalan nga Edward, 30 anyos ang panuigon ug nagtrabaho isip electrical engineer sa LapuLapu. Dakong ulitaw pero naa nay uyab for 3 years pero di gyud ing ana ka love tungod lang siguro nauyonan siya ni Mama tungod kay usa man siya ka doktor.

Sa among panag-uyab, casual lang mura ba og for the sake. At first, nakagusto ko ani niya mao nga nanguyab ko pero nagkadugay nilutaw na iyang batasan nga mura ba og iyang i-compare iyang profession diri nako nga mas angat siya kay ka nako mao nga angay ko mopaubos niya nga usahay mura na lang ko og driver.

Hangtod nga napansin nako ang among janitress nga usa ka single mom. Daghan ang nagwapahan ani niya pero wala ra nako hangtud nga sa kalit lang na fall ko niya sa iyang ka simple ug dedicated sa iyang work. Medyo suod na mi pero mao lagi ilang siya kay engineer ko ug siya janitress. Mao sad ni ang babag kon madawat ba siya sa akong mga ginikanan. Palihug tambagi ko. EDWARD Edward,

Ayaw buhatang rason nga tungod sa batasan mao ganahan na ka mokalas. Well, apil nana. Siguro sa pagka karon, nakumpara sad nimo si Miss Janitress ug ang imong uyab ug naganahan ka ni Janitress kay nakita nimo imong kaugalingon niya nga kon kamo ang manag-uyab, magkasinabot mo.

Kon tinuod, gikapoy naka sa imong uyab, then prangkahe pero di sa ka manguyab dayon ni janitress. Dayon huna-hunaa kon kaya ba nimo siya panalipdan kon di ba siya mauyunan. Ug kaya ba nimo dawaton siya sa iyang pagka siya ug ang problema sugton ba kaha ka niya? Pero kon ako? Moingon gyud ko follow your heart. PAPA JOE