Mga boluntaryo mitabang og repack sa food packs

Dul-an sa 1,878 ka indibiduwal ang naghugop sa Visayas Disaster Response Center (VDRC) sa Barangay Casuntingan, dakbayan sa Mandaue sa pagtabang og

repack sa family food packs.

Kadaghanan sa boluntaryo tinun-an sa unibersidad ug kolehiyo sa Metro Cebu sama sa University of Southern Philippines Foundation (USPF); Mandaue City College (MCC); Cebu Technological University (CTU); University of the Visayas (UV); AMA Computer Learning Center (ACLC Mandaue); STI College Cebu; Cebu Normal University (CNU); University of San Carlos (USC), Cebu Institute of Technology –

University (CIT-U); University of San Jose– Recoletos (USJ-R); University of Cebu – Lapulapu and Mandaue (UCLM); ug Center for Industrial Technology and Enterprise (CITE).

“We are grateful and we appreciate the help of the volunteers in the repacking of family

food packs at the VDRC,” matod ni DSWD-7 Regional Director Ma. Evelyn B. Macapobre.

Ang DSWD 7 nag-repack sa family food packs sa pagsuporta sa mga naapektohang pamilya sa gubat sa dakbayan sa Marawi.

Gawas sa tinun-an, niboluntaryo usab ang personnel gikan sa Armed Forces of the Philippines (AFP) ug Bureau of Jail Management and Penology (BJMP). Lakip sa private organizations ug indibiduwal.

“Since most of the students go to VDRC during weekends, our own DSWD-7 personnel volunteer to help during weekdays,” dugang ni Macapobre.

Human sa office hours, ang DSWD-7 personnel gikan sa nagkalainlaing programa ningtabang usab.

Ang Marawi giataki sa ISI-inspired Maute group niadtong Mayo 23 ug hangtod karon nagpadayon ang ginagmay na lang nga engkuwentro sa dakbayan.

Sukad niadtong Mayo, daghan nangamatay nga sundalo, rebelde ug ordinaryong lumolupyo.