Golovkin mosagubang og away nga labing lisod alang kaniya
Giangkon ni Gennady Golovkin nga ang pagdepensa sa iyang world middleweight
titles batok kang Canelo Alvarez sa labing una niyang away sa Las Vegas mao ang labing lisod nga tahas nga iyang pagasagubangon.
“It is the biggest fight of my career,” matod ni Golovkin.
“Canelo is the biggest champion and the biggest name out there.”
Ang three-belt champion mosugal sa iyang mga bakus batok kang Alvarez karong Septiyembre 16 sa T-Mobile Arena sa Las Vegas.
Matod ni Golovkin nga kini nga away maoy iyang gipangita aron makaugbok og legasiya sa kalibutan sa boksing.
“I need this fight to get back to boxing. I have been working
hard in training every day,” dugang niGolovkin, kinsa nakaaway na sa pito ka lainlaing mga nasod apan dili sa Las Vegas.
Si Golovkin, 35, aduna’y 370, 33KOs nga rekord samtang si Alvarez, 27, naghupot og 49-1-1, 34KOs nga baraha.
Depensaan ni Golovkin ang iyang middleweight titles sa World Boxing Council (WBC), International Boxing Federation (IBF) ug International Boxing Organization (IBO). “He has the sparkle in his eye again,” matod sa promoter ni Golovkin nga si Tom Loeffler.
Sa iyang bahin, gikumpara ni Alvarez kini nga away sama sa iyang away niadtong 2013 batok kang Floyd Mayweather Jr., kinsa maoy bugtong nakapilde kaniya.
“It is right there with Mayweather and possibly bigger. That fight taught me a lot but this fight will bring out the best in me,” asoy ni Alvarez.
“(Golovkin) is the most dangerous fighter at this moment. We want to show him that on this side there is a lot more to give too.”