MIDAGINOT PA OG GOLD
Nakakuha na sab og gold
medal ang Pilipinas kagahapon apan dili ra gihapon kini makapaaginod sa ilang puwesto sa medal tally sa 29th Southeast Asian Games sa Kuala Lumpur, Malaysia.
Si Dines Dumaan naghari sa tanding sa pencak silat competitions diin iyang gilupig sa finals si Firman sa Indonesia, 4-1, sa 45-50kg Class A event sa Bukit Kiara Sports Complex. Mao kini ang labing unang
gold medal sa SEA Games sukad niadtong 2005 diin gipatigbabawan ni Earl Buenviaje ang tanding Class F 70- 75kg category.
Ning pagsuwat, ang Pilipinas nagpabilin sa ikaunom nga luna nga aduna na’y 24 ka
gold medals, 20 ka mga silver ug 60 ka mga bronze.
Sila si Rick-Rod Ortega, Jefferson Loo, ug Princesslyn Enopia pulos nakaangkon og
bronze sa ilang tagsatagsa ka kategoriya.
Usa na lang ka adlaw ang kuwang ug lisod na alang sa Pilipinas bisan ang pagtupong na lang sa nahakot niini nga 29 ka gold medals sa 2015 nga edisyon sa matag duha ka mga tuig nga kompetisyon.
Kagahapon wala pa’y resulta sa mga away nila ni Kirstie Alora ug Francis Agojo sa taekwondo), Cherry May Regalado sa pencak silat ug
squash men’s team finals diin posible pang makadugang ang Pilipinas og gold medals.
Ang unang mga nakabaton og gold medals alang sa Pilipinas mao sila si Mary Joy Tabal (women’s marathon), Nikko Bryan Huelgas (men’s
triathlon), Marion Kim Mangrobang ( women’s triathlon), Reyland Capellan (men’s gymnastics), Kaitlin de Guzman (women’s gymnastics), Agatha Wong (women’s wushu ), Brennan Wayne Louie (men’s fencing), Eric Cray (men’s 400-meter hurdles), Aries Toledo (men’s decathlon), Trenten Anthony Beram (men’s 200 meters), Philippine team (men’s lawn bowl), Eumir Felix Marcial (men’s boxing), Marvin John Nobel Tupas (men’s boxing), Beram (men’s 400 meters), Mighty Ducks (men’s ice hockey), Dustin Jacob Mella, Raphael Enrico Mella ug Rodolfo Reyes Jr (taekwodno), Kiyomi Watanabe (women’s judo), Gilas Pilipinas (men’s basketball), Chezka Centeno (billiards), Samuel Morrison (taekwondo), Mariya Takahashi ( judo), Carlo Biado (billiards), ug Colin John Collins
Syquia (equestrian).