11 ka kaso gisusi sa CHR 7

SuperBalita Cebu - - BALITA - HERTY B. LOPEZ / Reporter

Mokabat sa 11 ka mga kaso ang giimbistigar karon sa Commission on Human Rights (CHR) 7 nga aduna’y kalambigitan sa operasyon sa awtoridad nga niresulta sa kamatayon sa mga suspek.

Alang lang kini sa Agusto apan aduna’y usa ka kaso nga nahitabo niadtong Hulyo.

Matod sa chief investigator sa CHR 7 nga si Leo Villarino nga tanang kaso mga motu-propio o sila mismo ang nagpasiugda og imbestigar base na usab sa mga taho sa media.

Niadtong Agosto 23 dihang nadawat sa mga awtoridad nga nalambigit ang subpoena request gikan sa CHR 7 diin nag-awhag kini kanila sa pagsumiter sa dokumento nga gipangayo.

Sa 11, tulo niini ka insidente nalambigit ang personnel sa Philippine Drug and Enforcement Agency (PDEA) 7 samtang walo niini sa Philippine National Police.

Usa sa gipangayo sa CHR 7 ngadto sa mga hingtungdang ahensiya kining investigation report kabahin sa hitabo diin lakip niini ang affidavit sa arresting officers ingon man kon aduna’y dugang laboratory tests ang gihimo sa lawas sa patay nga suspek.

Apan gibutyag ni Villarino nga bisan sa kaso nga ilang giimbestigar, way bisan usa sa pamilya niini ang niduol kanila aron moreklamo sa pulis.

Ang gihimo nila mao kining pagbisita sa mga pamilya sa napatay aron makisusi.

Usa sa ilang giimbestigar karon kining kamatayon ni PO3 Ryan Martus Quiamco ug ang asawa niini nga si Rizalyn kinsa giingon nga nagsabak. /

Newspapers in Tagalog

Newspapers from Philippines

© PressReader. All rights reserved.