THOMAS HINGPIT NGA MAGPAALIM
Gitataw ni Isaiah Thomas nga sa iyang pagbalik og duwa sa National Basketball Association (NBA), hingpit na nga maalim ang angol sa iyang bat-ang.
Si Thomas ug pipila sa iyang mga kauban manugtapon na sa Cleveland Cavaliers human sa usa ka blockbuster trade nga nagpabalhin kang Kyrie Irving sa Boston Celtics.
Apan wala dayon maselyado kining maong kasabutan human nasuta sa Cavaliers sa physical exam nga wala sa sakong kondisyon si Thomas.
Kini nga angol maoy hinungdan nga wala nakaduwa si Thomas sa hinapos nga bahin sa Eastern Conference finals sa miaging season.
Nagkanayon si Thomas nga gisultihan sa mga doktor nga mahibalik ra ang iyang saktong kondisyon ug dili angayang mabalaka ang Cavaliers.
“I am not damaged. I’ll be back, and I’ll be the same player,” matod ni Thomas sa interbyu sa ESPN.
“There’s never been an indication that I wouldn’t be back, and there’s never been an indication that this is something messing up my career.”
Hinuon gipasabot ni Thomas nga posibleng dili pa mahingpit ang iyang pagkaalim sa higayon nga magsugod na ang 2017-18 season. “Maybe I am not going to be back as soon this season as everyone wants me to, but I’m going to be back, and I’m going to be the same player again. No doctor has told me anything different than that,” pasabot ni Thomas.
Human sa physical exam niadtong Biyernes, matod ni Thomas nga padayon ang iyang komunikasyon sa Cavaliers apan wala pa siya masayod kon unsa'y plano sa team. / AFP, ESL