Cobras batok Panthers sa Cesafi '17

Mga duwa karon 5:15 pm- DBTC batok USPF ( jrs)

6:45 pm- SWU batok USPF (srs) Buakon sa Southwestern University (SWU) Cobras ug University of Southern Philippines Foundation (USPF) Panthers ang ilaha nga panagtabla sa ubos nga bahin sa standing sa ilang panag-abot sa main game karong gabii sa Cebu Schools Athletic Foundation Inc. (CESAFI) basketball college division sa

Cebu Coliseum.

Ang duha ka mga kampo nagbahin sa ikalima nga luna nga parehong adunay 1-4 nga rekord.

Ang duha ka mga kampo adunay susama og kasinatian sa unang tunga sa doble-round

elimination – ang Cebu Institute of Technology University (CITU) Wildcats mao ra ang ilang napilde.

Gipangbuntog sa Panthers ang Wildcats, 82-72, niadtong Agusto 6 samtang gipanglampornas sa Cobras ang Widlcats, 87-45, niadtong Agusto 17.

Sa kapildihan sa Cobras batok sa University of Cebu (UC) Webmasters, University of San Jose Recoletos (USJR) Jaguars, Univerity of San Carlos (USC) Warriors ug University of the Visayas (UV) Green Lancers, ang biya nag- average og siyam ka puntos.

Sa ilang bahin, ang biya sa kapildihan sa Panthers batok sa maong mga team nag- average og 14 puntos. Basi sa resulta sa nangagi nilang mga duwa batok sa laing mga kontra, makonsiderar nga grabe ka inilog ang Cobras kumpara sa Panthers.

Sa premirong duwa, magsangka ang USPF Baby Panthers batok Don Bosco Technological Center (DBTC) Greywolves sa high school division.

Sa laing bahin, nakaposte og dobleng kadaugan ang magsuong puwersa sa UC batok sa lainlaing kontra niadtong Martes.

Gipangmakmak sa UC Baby Webmasters ang USPF Baby Panthers, 91-78, sa high school

division samtang gipangkusokuso sa Webmasters ang CITU Wildcats, 75-57, sa college division. / ESL