24 RA KUTOB

SuperBalita Cebu - - SUPER SPORTS -

Kutob sa 24 ang nakolektang gold medals sa Pilipinas nga nagpahiluna niini sa ikaunom nga dapit sa 2017 Southeast Asian Games nga mitiklop kagahapon sa Kuala Lumpur, Malaysia.

Wala ra kini nakatunga sa gipangagpas sa mga opisyal sa paugnat sa kusog sa nasod nga 50 ka gold medals ug kuwangan og lima sa nahipos niini niadtong 2013 nga ipahigayon sa Myanmar ug 2015 sa Singapore.

Sa kinatibuk-an, ang Pilipinas adunay 24 ka gold medals, 33 ka mga silver ug 64 ka mga

bronze sa matag duha ka mga tuig nga kompetisyon.

Ang katapusang atleta sa nasod nga nikombati kagahapon nga si Kathryn Magno wala nakalangkat og medalya sa women’s speed skating. Nahiluna siya sa ikaduhang dapit sa Heat 1 competition apan nangiwit sa finals.

Niadtong Martes, ang Pilipinas nakadaginot pa og mga medalya nga gipangulohan ni Dines Dumaan, kinsa nakaangkon og gold sa pencak silat.

Nakabaton sab ang Pilipinas og silver ug bronze sa squash ug laing silver sa sepak takraw.

Ang host Malaysia maoy nag-una sa 11-nation competition nga adunay gold-silvermedal tally nga 145-92-86 unya nagsunod ang Thailand (72-86-88), Vietnam (58-50-60), Singapore (57-5873) ug Indonesia (38-63-90).

Batbat sa mga eksperto nga

hinungdan nga dili maayong kampanya sa Pilipinas mao ang ka kuwang sa preparasyon.

“[Malaysia] really prepared for it. Imagine, they have so many coaches, international exposure... In gymnastics, they

had eight coaches,” matod ni chef de mission Cynthia Carreon sa interbyu sa ABS-CBN.

Matod ni Foreign Affairs Secretary Alan Peter Cayetano, chairman sa sunod edisyon sa kompetitsyon, nga karon pa lang kinahanglan nang mangandam ang nasod sa pag- host 2019 SEA Games.

Giawhag ni Cayetano ang Philippine Sports Commission (PSC) ug Philippine Olympic Committee (POC) nga dili lang magtutok sa mga pasilidad nga pahigayunan sa mga duwa

kon dili apil na ang training sa Pinoyng mga atleta.

“One thing that there is a consensus with the POC (Philippine Olympic Committee) and PSC is that we will focus not only on the facilities but on the athletes’ training for the next two years,” batbat ni Cayetano.

Adunay Pinoyng mga atleta nga padulong na og balik sa nasod apan aduna sa’y uban nga nagpabilin alang sa closing ceremony nga gipahigayon kagabii. Sa Malaysia event, adunay

events nga dako unta og kahigayunan ang Pilipinas nga makalangkat og gold medal apan napakyas gumikan sa mga kakulian.

Sama na lang ni Fil-Am Eric Cray, kinsa hayag unya og poruhan nga makalabni og gold

medal sa 100-meter sprint. Ning maong event igo ra nga nakakuha og silver si Cray apan grabe ra ka gamay ang iyang gintang sa nakasakmit sa gold.

Nakitang hinungdan niini kay gipahigayon ang event pipila lang ka mga oras human nakasakmit og gold medal si Cray sa 400-meter hurdles.

Kon napahigayon pa sa laing adlaw ang 100-meter, gituohan nga makabira sab og gold si Cray ning maong event. Lakip sa mga nakatunol og

gold sa Pilipinas mao ang garbo sa Sugbo nga si Olympian Mary Joy Tabal, kinsa maoy labing unang nakabuhat sa ingon dihang gidominar niya ang women’s marathon. / ESL

■ GOLD. Ang garbo sa Sugbo nga si Olympian Mary Joy Tabal maoy labing unang nakatunol og gold medal sa Pilipinas sa 29th Southeast Asian Games (SEAG) sa Kuala Lumpur, Malaysia. Nahuman sa Pilipinas ang kampanya niini sa kompetisyon nga igo rang nakahakot og 24 ka gold medals, wala katunga sa gipangagpas nga 50 sa mga opsiyal sa paugnat sa kusog sa nasod. / HONGKONGNEWS.COM.PH

Newspapers in Tagalog

Newspapers from Philippines

© PressReader. All rights reserved.