60 KA MGA BALAY SA CALAMBA NASUNOG

SuperBalita Cebu - - PORTADA -

Kapin sa 60 ka mga balay ang nangaugdaw human masunog ang usa ka balay nga giingong gigamit nga suyopanan kagahapon sa alas 6:00 sa buntag sa Sitio Almacen ug Sitio Alsika, Brgy. Calamba, dakbayan sa Sugbo.

Usa ka lalake nga gituohang nagsuyop ang gikulata sa mga tawo apan naluwas sa mga bombero ug gidala ngadto sa kapulisan.

Si SFO2 Lowel Opolentisima, imbestigador sa Cebu City Fire Department, nagkanayon nga ang sunog didto magagikan sa ikaduhang andana sa balay ni alyas Nognog, igsuon ni Eliezar Piloton.

Ang balay giingong gihimong drug den, apan matod ni Opolentisima nga ila pa kining susihon unsa ka tinuod.

Matod ni Opolentisima nga ang sunog ilang giisa sa Task Force Bravo nga nakontrolar alas 7:46 sa buntag.

Si Opolentisima niingon nga naglisod sila sa pagsulod sa lugar sanglit usa lang ka gamay nga agianan sa tawo ang kasudlan unya naa sa interior portion nagsugod ang kayo.

Ila na lang gisumpaysumpay ang mga hose samtang ang ilang mga fireman nakapwesto sa mga atop sa pribadong mga balay ug establisemento.

Gawas niining kalisod sa aganan, sagad sa balay ginama sa light materials hinungdan nga daling gilamoy sa kayo.

Gipahibawo niini nga wa hinuoy naangol sa sunog nga mibilig danyos nga P500,000 nga danyos.

Nagsuyop?

Dunay report nga dunay nagsuyop sa wa pa ang sunog.

Newspapers in Tagalog

Newspapers from Philippines

© PressReader. All rights reserved.