MIESKAPO O GIPAGAWAS?

SuperBalita Cebu - - BALITA - DENNES R. TABAR / Reporter

Suspek sa pagpatay sa 22 anyos nga anak sa kanhi reporter sa dakbayan sa Talisay posebling gipagawas sa Leyte Regional Prison.

Kini human nga nahukman na kini kaniadto og silot kamatayon o pagkabilanggo sa tibuok niining kinabuhi tungod sa pagpatay sa kanhi tinun-an sa Cebu Normal University (CNU) usa ka graduating student sa kursong nursing nga si Dennis Kritoffer Bago niadtong Hunyo 21 2009.

Apan mao na usab kini ang gitumbok nga suspek sa pagpatay ni John Ronli Calizar, 22 anoyos niadtong Sabado sa kadlawon.

Ang amahan sa napatay nga nursing nga si Dennis Bago mihulgaway nga “ang kalagot ug ang kasuko maoy nibalik” human niya masaryi nga nakagawas diay ang suspek sa pagpatay sa iyang anak ug karon nakapatay na usab.

Kahinumduman nga upat kini ka buwan nga pagtago-tago nasikop kini ug napasakahan og kasong robbery with homicide kauban ni Francisco Bacaresas Jr. ug sa menor nga si Jestel Antig.

Nabilanggo si Largo ug Bacaresas sa Talisay City Jail samtang si Antig didto sa Argao sanglit meno de edad paman kini niadtong higayona.

Si Supt. Gil Inopia, warden sa Talisay City Jail, nibutyag nga aduna silay mga dukomento nga niadtong Marso 20 tuig 2015 ilang nadala sa bilanggoan sa Abuyog Leyte ang duha apil na si Largo.

Gani si Inpoia mipakita pa kinig mga dukomento nga ila nga nahatod og gidawat usab sa bilangoan.

Apan natingala nalang si Inopia nga nalambigit na usab kini sa patay karong bag-o.

Matod ni Inpoia nga posebling nakaeskapo kini o ba kaha nakalusot kinig sa iyang giduso nga motion to appeal sa desisyon sa korte.

Apan ang amahan sa nursing student nga si Bago di makatuo nga nakaeskapo o ba kaha nakaapelar hinuon dako ang iyang pabgtuo nga gituyo kini sa pagpagaws tungod kay adunay nagpaluyo aron mohimog krimen sa gawas.

Hinungdan nga iyang pakigkitaan ang iyang mga abogado labot niini aron manubag ang mga tawo kon si kinsa ang angayang manubag.

Matod niya nga nahiluna na unta sila human sa desisyon apan karon nga ilang nasyran nga nakagawas diay nibalik ang tanang kasakit nga ilang gibati.

Iyang panghinaut nga unta masikop si Largo aron mahunong na ang krimen nga himuon niini.

Si Bago nibutyag nga niadto pang buwan sa Hunyo nakadungong silag report nga nakagawas si Largo ug anaa ra sa Talisay apan wa sila motuo tungod kay nabilanggo ug nadala naman kini sa Leyte samtang tibuok kinabuhi ang pagkabilanggo niini.

Si Inopia sa iyang bahin, nitataw nga lisud silag kontak sa kadagkuan sa prisuhan sa Abuyog, Leyte tungod sa kabukid sa lugar.

Ang kapulisan sa Talisay ang nakapasaka nag kaso batok ni Largo niadtong miaging adlaw human makuhaan og affidavit si Contratista nga inahan sa biktima ug ang uyab-uyab niini nga si Katherine Cabungcag. /

Newspapers in Tagalog

Newspapers from Philippines

© PressReader. All rights reserved.