Hambugero si Espenido

Hapit ang tanang tawo, apil si Presidente Rodrigo Duterte, ang bilib kang Police Chief Inspector Jovie Espenido.

Didto sa una niyang destino sa Albuera, Leyte, tinuod nga nabunggo ug gironda niya ang illegal drug trade ni Albuera, Leyte Mayor Rolando Espinosa. Dili si Espenido kon dili gipatay si Espinosa sa mga sakop sa Criminal Investigation and Detection Group (CIDG) sud sa iyang selda sa Baybay City, Leyte niadtong milabay nga Nobiyembre.

Tungod sa pasangil nga naapil siya sa payola sa mga Espinosa, gibalhin si Espenido sa Ozamiz City. Niadtong Hulyo 30, iyang giparonda ang unom ka mga panimay ni Mayor Reynaldo Parojinog, Sr. Napatay ang mayor ug 15 ka mga tawo, apil ang mga sakop sa iyang pamilya. Dinhi nisikat si Espenido.

Daghang mihangyo nga anhi siya idestino dinhi sa Sugbo diin naghitak gihapon ang iligal nga drugas. Nanghambug dayon siya nga iyang sumpuon ang ginadiling drugas sud sa usa ka buwan. Alang kanako lahap ra kaayo kining panghambug ni Espenido. Nagtuo siyang superman siya.

Ambot og nganong wa lang usab maningug kining atong Police Regional Office (PRO) 7

director, provincial director ug ang ubang mga police director ug commander sa Kabisay-an. Pakauwaw kini kanila. Nagpasabut kini nga kon wa sila matug sa ilang trabaho mga protector diay kini sila sa mga druglord hinungdan nga wa nila masumpo ang iligal nga drugas.

Gawas nga napakauwawan ni Espenido ang mga opisyal sa kapulisan anaa pa gayuy mga labaw kaniya og ranggo nga iyang malakangan.

Kon ipatuman na unya ang kasugoan ni Presidente Duterte nga pagdestino kang Espenido didto Iloilo City isip

provincial o city director kinahanglang i- promote siya og duha ka ranggo aron mahimo siyang senior supt. (colonel), nga maoy gikinahanglang ranggo, gikan sa iya karon nga pagka- senior inspector (major). Taas og swerte kini si Espenido.

Ang kamatayon ni Kian delos Santos gisakyan dayon sa mga kritiko ni Pres. Duterte. Buot nila nga lugakan na ang kampanya batok sa ginadiling drugas.

Aduna na usay awhag karon nga dili na paapilon ang Philippine National Police (PNP) sa drug campaign sama sa gihimo kaniadto.

Kon buhaton kini pagbalik ni Pres. Duterte, siguro ako nga mobalik ug mograbe na usab ang pagpamaligya sa shabu ug ubang iligal nga drugas.

Dili na nato paminawon kining mga nagpakaaron ingnong

human rights advocates kay wa kita kasiguro og sinuholan ba sila sa mga druglord aron hayahay na usab ang pagpatubo sa ilang iligal nga negosyo.

Ang kamatayon ni Kian delos Santos gisakyan dayon sa mga kritiko ni Pres. Duterte. Buot nila nga lugakan na ang kampanya batok sa kinadiling drugas.