PACQUIAO-HORN 2 SUNOD TUIG NA?

Gibutyag ni Bob Arum sa Top Rank nga ang rematch tali ni Manny Pacquiao ug Jeff Horn alang sa World Boxing Organization (WBO) welterweight title wala pay klaro sa Nobiyembre 12 ug posibling adto na kini mapahigayon sa sunod tuig.

“Manny is deciding if he wants a rematch this year or next year. If he decides to postpone it, we will make a fight for Jeff in November against a good opponent in Brisbane,” pasabot ni Bob Arum sa ESPN Deportes. Sa ilang unang away niadtong Hulyo 2 nga gisaksihan sa 51,000 ka mga tawo sulod sa Suncorp Stadium didto sa Brisbane Australia, si Horn mipakaging sa kalibutan sa boxing human kini mipildi pinaagi sa

unanimous decision ni Pacquiao. Kini nakahagit ni Pacquiao ug rematch nga nalatid usab sa kontrata nga ilang gipirmahan.

Sa umaabot nga mga adlaw, si Arum mobisita sa Manila aron pagtino sa desisyon ni Pacquiao, Ang eight division

champion, nga karon 38 anyos na, ang mitutok og maayo sa iyang mga trabahuon isip senador sa nasod. “I imagine he has many duties as a senator, he is no longer a young guy and the last fight was very physical, and he may need more time to get ready for a rematch. We’ll know in the next few days.”

Kalabot sa kang Horn, si Arum nagkanayon nga mahimong moaway kini sa Nobiyembre batok sa laing kontra bisan og dili kini ipahigayon sa Suncorp Stadium.

“Horn would fight one of the best welterweights and try to do the same kind of business, maybe not the same as he would have done with Pacquiao,” dugang saysay ni Arum. / JBM