41 ka lungsod sa Sugbo 'Child-Friendly'
Di mominos 41 ka mga lungsod sa lalawigan sa Sugbo ang gipasidunggan og Seal of Child-Friendly Local Governance (SGFLG) sa Department of Interior and Local Government (DILG) sa Central Visayas.
Kini naglakip sa Minglanilla, Sibonga, Argao, Dalaguete, Boljoon, Alcoy, Oslob, Santander, Samboan, Ginatilan, Malabuyoc, Alegria, Badian, Moalboal, Ronda, Alcantara, Dumanjug, Barili, Pinamungajan, Balamban, Asturias, Tuburan, Tabuelan, San Remigio, Madridejos, Bantayan, Sta. Fe, Medellin, Daanbantayan, Tabogon, Borbon, Sogod, Catmon, Carmen, Compostela, Liloan, San Francisco, Tudela, Pilar, Consolacion ug Cordova.
Ang probinsya sa Sugbo dunay 44 ka mga lungsod ug 6 ka component cities. Ang pasidungog gihimo sa miaging semana sa Golden Valley Hotel, siyudad sa Sugbo.
Si Liloan Mayor Christina Garcia-Frasco namahayag nga ang pasidungog makahulogan alang niya tungod kay sa dihang siya nahimo nga First Lady niadtong 2009 sa dihang ang iyang bana nga si Vincent “Duke” Frasco mao pay mayor sa lungsod, ang pagpanalipod sa katungod sa kababayen-an ug kabataan ang iyang adbokasiya hangtod karon. Kini kabahin sa iyang 10
point agenda karon nga siya na ang mayor sa Liloan. Ang mga local government unit sa Sugbo gipaubos sa assessment sa Child-Friendly Local Governance Audit (CFLGA) nga gipasiugdahan sa DILG sa miaging tuig sa pakigtambayayong sa Department of Social Welfare and Development, Department of Education ug kagamhanan sa lalawigan sa Sugbo.
Si DILG 7 Assistant Regional Director Elias Fernandez niingon giila ang LGUs nga nag- promote og child-friendly local governance. Sa pag- rate sa mga LGU, gikonsiderar ang pagkunhod sa gidaghanon sa pagkamatay sa mga bata nga nagpanuigon og ubos sa 5-anyos ug ang pagminos sa mga batang nga 6-anyos ug paubos nga kuwang sa timbang.
Si Fernandez nidugang nga apil sa gibasehan ang nagkasaka nga gidaghanon sa mga bata nga 3-anyos hangtod 4-anyos nga nagtungha na sa
day-care ug ang nagkadaghan nga mga tinun-an sa elementarya nga nakahuman.
Lain nga gitan-aw, ang way presensya sa child laborers.
Ubos sa Memorandum Circular 2014-80 nga giluwatan sa DILG niadtong Hulyo 7, 2014, ang LGU nga makapasar sa CFLGA.