Cruz milingkod isip hepe sa PRO 8

TACLOBAN CITY - Pormal na nga milingkod isip bag-o nga regional

director sa kapulisan sa Eastern Visayas (PRO8) si PCSupt. Gilbert Cruz. Si Cruz ang hepe sa PNP-Police Community Relations Group sa kaulohan diin iyang gihulipan ang nagretiro nga si PRO8 director PCSupt. Elmer Beltejar. Si Cruz mi- graduate sa Philippine National Police Academy (PNPA) niadtong 1986. Sa iyang pagserbisyo kaduha na mabutang sa peligro ang iyang kinabuhi. Nakadawat siyag daghang pasidungog sama sa best Chief of Police ug best Provicial Director. Gipasigarbo usab sa PRO8 si Beltejar diin sa paglingkod niini napuhag ang labing dako nga drug

syndicate nga Espinosa Drug Group sa Albuera ug napasakaan og kaso ang mga dagkong opisyal. Gidayeg si Beltejar sa iyang aktibong partisipasyon sa Project Double Barrel.