Kanhi sakop sa PDEA sikop
TACLOBAN CITY - Kanhi sakop sa Philippine Drug Enforcement Agency (PDEA) nadakpan sa buy bust operation. Balor P2.5 milyones nga kantidad sa shabu ang nasakmit sa PDEA ug Tacloban City Drug Enforcement Team pinangulohan ni P/SInsp. Leonides Sydiongco. Giila ang nadakpan nga si Julius Katangkatang, 35, taga Barangay San Roque, Jaro Leyte, kanhi technical personnel sa PDEA 8. Matod sa kapulisan nakadawat sila og intel reports nga mihimo pagpamaligya og shabu ang suspek sa syudad. Sa taud taud nga surveillance, nagpositibo ang report nga ilang nadawat hinungdan nga gilusad ang operasyon.