Gipusil patay sa sabungan
(Napatik sa Agusto 21, 2017)
PANTUKAN, ComVal Province - Patay ang usa ka lalaki human siya gipusil didto sa Purok Caimito, Sityo Ayan, Barangay Kingking. Ang biktima giila nga mao si Jelmier M. Manso, alyas Manso, 30, nagpuyo sa Balite, Lagao, General Santos City. Sigun sa imbestigasyon sa Pantukan Municipal Police Station ang biktima anaa sa sabongan dihang miabot ang wala mailhing mamumuno sa likod nga bahin. Way daghang istorya gipusil sa suspek ang biktima sa makadaghang higayon. Namatay diha-diha ang biktima human nahiagom sa mga samad pinusilan sa nagkadaiyang parte sa iyang lawas. Paspas sab nga miigtad ang suspek paingon sa wa matinong direksiyon. Sa pagproseso sa crime scene narekober sa mga imbestigador ang duha ka basiyo sa bala sa .45 nga pusil. / Rockyben S. Catisay