Someday

Nagabii na lang apan wa gyud moabot ng akong ka- textmate. Nuon, ning among panagkita ron ni Jerome, wa na nako siya hunahunaa. “Di na to moabot ang imong

textmate, Jona.” “Bitaw, uy! Giindyan dayon ko. Tuod diay, Jerome, nganong nia ka man ron dinhi? Duna kay date, no?”

Maoy diha sa akong hunahuna si Chivey nga gituhoan kong girlfriend ni Jerome.

“Wa, uy! Nagsuruy-suroy lang ko dinhi ron. Palabay ba sa kalaay.”

“Ipangumosta diay ko kang Chivey, Jerome.”

“Panagsa na lang ming magkaestorya si Chivey. Ang iyang panahon tua na lang sa iyang uyab nga akong ig-agaw.”

Gitan-aw ko pag-ayo si Jerome. Morag wa siya magbakak nako.

Dugay kong nakatulog niadtong gabhiona. Mora kog naputlag usa ka ugat sa utok kay nagpahiyom ko nga mao rang usa samtang naghigda ko sa akong kuwarto. Makabuang gyud ang love ko kang Jerome.

Pagkasunod gabii, shocking gyud para nako. Imagine, namisita si Jerome nako? Nagdala pa siyag tsokolet. Gidawat ko kini samtag nag-atubang mig lingkod sa sala.

“Thank you ani, ha, Jerome. Pero di na ko mokaog tsokolet. Motambok unya kog balik.”

“Kining, bisag tambok ka, Jona, love man gihapon tika.

You know, pagpakaaron-ingnon lang tong ako nga naglikay kuno ko nimo. Di man gud ko gusto nga magpadayon ang love ko nimo samtang wa pa ta makahumag eskuwela. Pero dihang mibalhin kag eskuwelahan, gimingaw kaayo ko nimo. Wa na ko kaagwanta sa akong hilom nga pagmahal nimo. Maong nakaingon ko sa akong kaugalingon nga kon magkita ta, pangulitawhan ka na gyud nako. Maong nia ko karon aron daygan ka sa akong feeling nimo.”

Morag miabot sa langit ang kalipay nga gibati ko niadtong tungora. Aw, unsa pay dugayan, gisugot dayon nako si Jerome. Smooth ang among relationship sa pagpanglabay sa mga adlaw. Unya nahibulong ko kay wa na gud moteks nako ang akong texmate. Nakaingon na lang ko sa hilom nga maayo ra nga di na siya magsamuk-samok nako. Apan usahay, makapangutana ko sa akong kaugalingon kon kinsa gyud kaha ang akong ka- textmate?

Usa ka domingo, namutong na sab mi si Jerome sa ilang kalubihan sa bukid. But this

time, kami na lang duha. Di na kuyog ang barkada. (KATAPUSAN)